सिमकोट– सिमकोट गाउँपालिकामा कार्यरत करार कर्मचारीले तलब र जनप्रतिनिधिले सेवा–सुविधा नपाउने अवस्था आएको छ। राजस्व बाँडफाँडअन्तर्गत मन्त्रालयबाट आउने बजेट नआएपछि यो अवस्था आएको हो।
स्वास्थ्यतर्फ, गाउँपालिकामा करारमा भर्ना भएका कर्मचारी र जनप्रतिनिधि ८० भन्दा बढी कर्मचारीले पारिश्रमिक र जनप्रतिनिधिले सेवा–सुविधा नपाउने अवस्था आएको सिमकोट गाउँपालिकाका प्रमुख प्रशासकीय अधिकृत उजिर रोकायाले बताए।
असार अन्तिम हुन लाग्दा पनि दुई करोडभन्दा बढी केन्द्रबाट राजस्व बाँडफाँडको रकम नआएपछि तलब खुवाउन नसक्ने अवस्थामा रहेको उनले बताए।
यसबाट अनुगमन भएको तर भुक्तानी दिन नसकिएका कुरा पनि रोकिएको उनले बताए । संघीय सरकारबाट सात करोड ३२ लाख २२ हजार बजेट आउनुपर्ने सिलिङ आए पनि हालसम्म ५ करोड बजेट मात्र निकासा आएको उनले बताए।
उनले काममा खटिएका कर्मचारी र नियमानुसार जनप्रतिनिधिले पाउने सुविधा दिन नसक्ने अवस्थामा गाउँपालिका रहेको बताए।
भर्खरै
लोकप्रिय
