कृष्ण अवतारमा ससाना नानीहरु (तस्बिरहरु)

काठमाडौँ – कोरोना भाइरसको महामारीका बिच पनि सोमबार श्रीकृष्ण जन्माष्टमी पर्व मनाउनका लागि भक्तजनहरु नजिकका कृष्ण मन्दिर पुगेका छन् ।

भगवान श्रीकृष्णको विशेष पूजाआराधना गरेर यो वर्प मनाउने गरिएको छ । विष्णुको अवतारका रुपमा जन्मिएका कृष्णको लिला यस अवसरमा प्रस्तुत गर्ने गरिन्छ । महामारीका कारण लिला प्रदर्शन प्रभावित भए पनि बालबालिकाहरुलाई भगवान कृष्णको अवतारमा सिंगारिएको देखिएको छ ।

ललितपुरको पाटन कृष्ण मन्दिरसहितका मन्दिरहरुमा ससाना बालबालिकालाई सिंगारेर भगवान कृष्णको स्वरुपमा प्रस्तुत गरिएको छ । भक्तजनहरुले आफ्ना साना नातीहरुलाई कृष्णको स्वरुपमा प्रस्तुत गरेका हुन् ।

देश सञ्चारकी फोटो पत्रकार बर्षा शाहले कृष्णको स्वरुपमा सिंगारिएका केही बालबालिकाको तस्बिर खिचेकी छन् ।