अ
+
अ
अ
-
पानी बोके आधा गाग्री छल्किए अहिले
बकम्फुसका कुरा सबै झल्किए अहिले।।
जिब्रो उफ्र्यो स्वाद पाएर मुखमा पर्दाखेरि
कुखुरा टिप्न बुढा स्याल पल्किए अहिले।।
पहिले खुबै पछ्याए देलान् खाउँला भनि
आश मारेर अन्तै तिर ढल्किए अहिले।।
आगो निभ्यो धुँवा छैन जित उन्कै भने
सहर बजार नयाँ राँका सल्किए अहिले।।
मुन्टो चुँडाइ लाखा पाखा अफालेका थिए
सुस्त सुस्त पालुवा हालि हल्किए अहिले।।
बेला मौका फेरिएर कस्तो बखत आयो
मोसो पुछ्दै ध्वाँसे पनि टल्किए अहिले।।
भर्खरै
लोकप्रिय
