ललितपुर – नेपाली कांग्रेस ललितपुर र स्याङजाका सबै प्रदेशसभा निर्वाचन क्षेत्रको अधिवेशन सम्पन्न भएको छ।
ललितपुरका ६ वटै प्रदेशसभा निर्वाचन क्षेत्रमा नयाँ नेतृत्व चयन भएको छ। शुक्रबार भएको प्रदेशसभा अधिवेशनले यी निर्वाचन क्षेत्रमा नयाँ नेतृत्वको निर्वाचन र सर्वसम्मतमार्फत चयन गरिएको हो।
ललितपुर १ (क) मा मिलन सिलवाल र (ख) मा जगतबहादुर सभापतिमा चयन भए। ललितपुर २ (क) मा दिवाकर नेपाल र (ख) मा चन्द्रमान महर्जन निर्वाचित भए। क्षेत्र नं ३ (क) को प्रदेशसभा सभापतिमा वीरेन्द्र महर्जन निर्वाचित हुँदा (ख) मा सुरेन्द्र डंगोल निर्वाचित भए।
ललितपुर कांग्रेस निर्वाचन समितिका संयोजक लोक कार्कीका अनुसार नवनिर्वाचित पदाधिकारीको विवरण शनिबार औपचारिक रुपमा सार्वजनिक गरिनेछ।
त्यसैगरी कांग्रेसको १४ औँ महाधिवेशनअन्तर्गत स्याङ्जाका चारवटै प्रदेशसभामा सभापतिसहितको पदाधिकारी निर्वाचित भएका छन्।
स्याङ्जा क्षेत्र नं १ प्रदेशसभा (क) को सभापतिमा केशरबहादुर खाँण र (ख) मा प्रकाश तिवारी, २ को (क) मा अर्जुनप्रसाद खनाल र (ख) मा महेश भट्टराई निर्वाचित भए।
स्याङ्जा २ (क) मा अर्जुनप्रसाद खनाल ३२७ मतसहित विजयी भएका हुन्। उनका प्रतिस्पर्धी विद्या श्रेष्ठले २५१ मत पाए। त्यस्तै २ (ख) मा महेश भट्टराई ३८२ मतसहित विजयी हुँदा उनका प्रतिस्पर्धी कमलप्रसाद रेग्मीले १७४ मत प्राप्त गरे।
भर्खरै
लोकप्रिय
