काठमाडौँ- नेपाल प्रहरीका केन्द्रीय प्रवक्ता बसन्तराज कुँवरले झुन्डिएको अवस्थामा फेला परेका वरिष्ठ प्रहरी उपरीक्षक-एसएसपी सुशील यादवको घटनामा जागिरको कुनै सम्बन्ध नरहेको बताएका छन्।
सोमबार प्रहरी प्रधान कार्यालयमा आयोजित पत्रकार भेटघाट कार्यक्रममा बोल्दै एसएसपी कुँवरले भने, ‘प्रारम्भिक अनुसन्धानमा जागिरको सम्बन्ध नदेखिएको पाइएको छ।’ आफूसँगै जागिर सुरु गरेका व्यक्ति आइजिपी हुँदा आफू भने एसएसपीमै रोकिएको कारणले यादवले आत्महत्या गरेको हुन सक्नेलगायतका प्रारम्भिक अड्कलबाजीहरु भएका थिए।
एसएसपी कुँवरले यादवको बानी ब्यवहार दुई महिनादेखि परिवर्तन भएको देखिएकाले अन्य कारणहरुको सम्बन्ध रहन सक्ने र त्यसलाई सुक्ष्मरुपमा हेर्ने काम भइरहेको बताए।
‘यतिबेला शोकमा रहेकाले धेरै कुरा बुझ्न पनि गाह्रो हुन्छ’, पारिवारिक कारण हुन सक्ने संकेत गर्दै कुँवरले भने। केही दिनअघि संघीय प्रहरी इकाई भैरहवामा कार्यरत रहेको अवस्थामा यादब सरकारी क्वार्टरमा झुन्डिएको अवस्थामा फेला परेका थिए।
भर्खरै
लोकप्रिय
