साताको पहिलो दिन २.३९ प्रतिशतले बढ्यो नेप्से

काठमाडौँ- शेयर बजार परिसूचक – नेप्से साताको पहिलो दिन आइतबार २.३९ प्रतिशतले बढेर २ हजार ५ सय ८४.९१ विन्दुमा पुगेको छ। कारोबार समयको अन्त्यमा नेप्से ६०.४१ अंकले बढेको हो।

हिमालयन डिस्टिलरी र मध्य भोटेकोशीको शेयरको अन्तिम कारोबार पोजेटिभ सर्किट लेभलमा भएको छ। मूल्य समायोजनपछि भएको कारोबारमा हिमालयन डिस्टिलरीको शेयर मूल्य करिब १० प्रतिशतले बढेको हो।

२१ कम्पनीको शेयर मूल्य ५ प्रतिशतभन्दा बढीले बढेको छ।

आइतबार ५३ हजार एक सय २२ कारोबारमा ४ अर्ब १२ करोड ६९ लाख ८० हजार ६७.५३ रुपैयाँ बराबरको ७१ लाख ६० हजार ९ सय ८३ कित्ता शेयर खरिद बिक्री भएको छ।