पछिल्लो सात वर्ष इतिहासकै गर्मी वर्षका रुपमा कायम भएको एक अध्ययनले देखाएको छ । युरोपियन युनियनको स्याटेलाइट प्रणालीबाट प्राप्त तथ्यांकको विश्लेषण गर्दा पछिल्लो सात वर्ष तथ्यांक राख्न थालिए यताका गर्मी वर्षका रुपमा देखिएका हुन् ।
युरोपियन युनियनको कोपरनिकस क्लाइमेट चेन्ज सर्भिसले गरेको अध्ययन अनुसार सन् २०२१ इतिहासकै पाँचौँ गर्मी वर्ष बन्यो । गत वर्ष (२०२१) केही क्षेत्रको तापक्रम इतिहासकै उच्च मापन भएको थियो । २०१५ यताका वर्षहरु लगातार गर्मी वर्षका रुपमा रहँदै आएका छन् ।
वायुमण्डलमा तापक्रम वृद्धि गराउने ग्यासहरुको मात्रा बढ्दो क्रममा रहेको पनि प्रतिवेदनमा उल्लेख छ । जलवायु परिवर्तनलाई नियन्त्रणमा राख्नका लागि तापक्रम वृद्धि १.५ डिग्रिसेल्सियसमा सीमित गर्ने वाचा विश्वभरका सरकारले गरेका छन् । तर काम भने त्यो अनुसार हुन नसकेको वैज्ञानिकहरुले बताउँदै आएका छन् ।
तापक्रमवृद्धिका कारण वातावरणीय, मानवीय तथा आर्थिक रुपमा पर्ने गम्भीर असरहरु विश्वभर देखिन थालिसकेका छन् ।
सन् २०२१ पछिल्लो सात वर्षमा पाँचौँ गर्मी वर्षका रुपमा देखिएको हो । गत वर्षको तापक्रम सन् २०१५ र २०१८ को भन्दा केही बढी देखिएको हो । गत वर्षको औषत तापक्रम औद्योगिक क्रान्ति पूर्व (करिब १५० वर्षअघि) को तुलनामा १.१ देखि १.२ डिग्रिसेल्सियस बढी रहेको देखिएको हो ।
भर्खरै
लोकप्रिय
