बुण्डेसलिगामा बोरुसिया डर्टमुण्डको शानदार जित

जर्मन बुण्डेस लिगा फुटबल अन्तर्गत शुक्रबार राति भएको खेलमा बोरुसिया डर्टमुण्ड विजयी भएको छ ।

घरेलु मैदानमा भएको खेलमा डर्टमुण्डले एससी फ्रेइबर्गलाई ५–१ ले पराजित गरेको हो । बोरुसियाको जितमा मुनिएर र एर्लिङ ब्राउट हल्याण्डले समान दुई–दुई गोल गरे । यस्तै डाहोउडले एक गोल गरे ।

एससीका लागि डेमिरोविकले एक गोल फर्काएका हुन् ।

जितपछि दोस्रो स्थानको बोरुसियाको १९ खेलबाट ४० अंक भएको छ । शीर्ष स्थानको बार्यन म्युनिखको १८ खेलबाट ४३ अंक छ ।