काठमाडौं- अर्थमन्त्री युवराज खतिवडाले सांसदलाई छुट्याइएको ४ करोड रुपैयाँ बाध्यताले राखिएको बताएका छन्। अर्थ मन्त्रालयमा बुधबार आयोजित पत्रकार सम्मेलनमा खतिवडाले भने, ‘यो कार्यक्रम खाउँ भने के… नखाउँ भने के … जस्तै हो।’
खतिवडाले बजेट मार्फत स्थानिय पुर्वाधार विकास साझेदारी कार्यक्रममा ४ करोड रुपैयाँ विनीयोजन गरेका थिए। प्रतिनिधी सभाका निर्वाचित सांसदको नेतृत्वमा संघिय संसद र प्रदेश सभाका सदस्य र स्थानीय तहका प्रमुख सदस्य रहेको समितिले आफ्नो निर्वाचन क्षेत्रमा आयोजनाको छनोट र अनुगमन गर्ने व्यवस्था बजेटमा गरिएको छ।
बिगतमा सिधै आयोजनाको छनोट गर्ने सांसदहरुले स्थानिय पुर्वाधार विकास साझेदारी कार्यक्रम प्रति असन्तुष्टि जनाएका छन्।
खतिवडाले स्थानिय पुर्वाधार विकास साझेदारी कार्यक्रममा सांसद र स्थानीय तहका प्रमुख रहेको समितिले आयोजना छनोट मात्र गर्न सक्ने तर कार्यान्वयनमा कुनै भुमिका नहुने बताएका थिए।
स्थानिय पुर्वाधार विकास साझेदारी कार्यक्रममा विनियोजन गरिएको रकमको प्रभावकारी कार्यान्वयनका लागी कार्यबिधी बनाइने पनि उनले बताए।
भर्खरै
लोकप्रिय
