काठमाडौं- अर्थमन्त्री युवराज खतिवडाले कानुनी व्यवस्थाको ज्ञान नहुँदा विदेशबाट सानो परिणाममा सुन ल्याउनेलाई मार्का परेकाले भन्सार तिर्दै एक सय ग्राम सम्म सुन ल्याउने सकिने व्यवस्था गरिएको बताएमा छन्।
बिगतमा ५० ग्राम सम्म सुनका गहना सहजै ल्याउन सकिने व्यवस्था भए पनि काँचो सुन भने पूर्ण प्रतिबन्ध थियो।
आर्थिक ऐनमा विदेशबाट फर्केका यात्रुले आफ्नो साथमा ल्याएको सुनमा पहिलो ५० ग्रामसम्म प्रति दश ग्राम ५ हजार २ सय रुपैयाँ र ५० ग्राम भन्दा बढी थप ५० ग्रामसम्म प्रति दश ग्राम ६ हजार २ सय रुपैयाँ भन्सार लिने व्यवस्था गरेको छ।
आर्थिक ऐन २०७५ मा एक सय ग्राम सम्म सुन ल्याउने सकिने र एक सय ग्रामभन्दा बढी परिमाणमा सुन पैठारी गरेमा बढी भएको परिमाण जति जफत गरिनेछ भनेर उल्लेख गरिएको व्यवस्थाले तस्करी बढ्न सक्ने भन्दै आलोचना भएको थियो।
खतिवडाले भने, ‘नेपाल राष्ट्र बैंकमा हुदाँ पनि सुनको विवाद थियो अहिले पनि आएको छ, कानुनको ज्ञान नहुँने मार्कामा परेकाले भन्सार तिर्दै एक सय ग्राम सम्म सुन ल्याउने सक्ने व्यवस्था गरेका हौं तर तस्करी निरुत्साहित गर्न हामी प्रतिबद्ध छौं।’
राजस्व सचिव शिशिर ढुंगानाले निजी गुण्टा, झिटी भारी सम्बन्धी सूचनामा एक सय ग्रामभन्दा बढी परिमाणमा सुन ल्याउन खोज्नेलाई हुने कारवाहीबारे स्पष्ट पारिने बताए। ढुंगानाले भने, ‘अन्जानमा कानुनी कारबाहीमा पर्नेलाई सहज बनाउन खोजेका हौं तर तस्करी रोक्न प्रतिबद्ध छौं।’
भर्खरै
लोकप्रिय
