काठमाडौँ – गतिविधि स्तर र मृत्यु दर ट्र्याक गर्ने एक अध्ययनअनुसार हरेक दिन केही बढी व्यायाम गर्नाले धेरै मानिस प्रारम्भिक मृत्युदरबाट टाढा रहन सक्छन्।
४० देखि ८५ वर्ष उमेर समूहका करिब ५ हजार मानिसमा गरिएको अध्ययनमा यस्तो देखिएको हो। ‘जामा इन्टरनल मेडिसिन’ जर्नलमा लेख्ने अनुसन्धानकर्ताका अनुसार ४० वर्षभन्दा माथिका मानिसले दैनिक १० मिनेट अतिरिक्त व्यायाम गरे भने प्रत्येक वर्ष १,१०,००० भन्दा बढी व्यक्ति अकाल मृत्युबाट बच्न सक्छन्।
प्रमुख अनुसन्धानकर्ता पेड्रो सेन्ट–मौरिस, राष्ट्रिय क्यान्सर संस्थानका एक महामारी विशेषज्ञ भन्छन्, ‘हामीलाई थाहा छ, व्यायाम हाम्रो लागि राम्रो हो। यो अध्ययनले पनि जनसंख्या स्तरमा फाइदाको थप प्रमाण प्रदान गर्छ।’
धेरै अन्य अध्ययनले पनि व्यायामका फाइदा पुष्टि गरेका छन्। अनुसन्धानकर्ताका अनुसार उनीहरूले यस अवस्थामा एक्सेलेरोमिटरमा आधारित मापन प्रयोग गरे र २००३ देखि २००६ सम्मका मानिसलाई हेरे र २०१५ सम्म सहभागीको मृत्यु दरलाई हेरेका थिए।
अध्ययनले देखाउँछ कि हरेक दिन थप १० मिनेट वा त्योभन्दा बढी व्यायाम थप्न सबैलाई प्रोत्साहित गरे हामी हाम्रो राष्ट्रलाई स्वस्थ बनाउन सक्छौं।
सीएनएन फिटनेस संवाददाता डाना सान्तास भन्छिन्, ‘हरेक दिन १० मिनेटको कसरत गर्न मानिसले सोचेभन्दा धेरै सजिलो छ। तपाईंलाई मन नपर्ने सामाजिक सञ्जाल स्क्रोल गर्दा वा आफ्नो मनपर्ने टिभी कार्यक्रम हेर्दा १० मिनेट कति छिटो जान्छ विचार गर्नुहोस्।’
‘यो ठूलो समयको लगानी होइन तर यसले ठूलो स्वास्थ्य लाभ प्रदान गर्न सक्छ’, सान्तास भन्छिन्, ‘अनुसन्धानकर्ताले सिफारिस गरेको १० मिनेटको मध्यमदेखि बलियो गतिविधिमा योग, नाच वा बाहिर या ट्रेडमिलमा हिँड्ने समावेश हुन सक्छ।
२०२० मा, विश्व स्वास्थ्य संगठनले महामारीको समयमा शारीरिक व्यायामको स्तर घटेको चेतावनी दिएको थियो।
भर्खरै
लोकप्रिय
