काठमाडौँ – प्रधानमन्त्री शेरबहादुर देउवाले कांग्रेस संसदीय दलको बैठक स्थलबाट नै सभामुख अग्नि सापकोटालाई फोन गरी कार्यव्यवस्था परामर्श समितिको बैठक राख्न आग्रह गरेका छन्।
उक्त बैठकमा मिलिनियम कर्पोरेशन कम्प्याक्ट (एमसिसी) टेबल गर्ने विषय संसदीय दलको बैठकमा मत मिलेपछि दलका नेता समेत रहेका प्रधानमन्त्री देउवाले बैठक स्थलबाटै सभामुख सापकोटालाई कार्यव्यवस्था परामर्श समितिको बैठक राख्न आग्रह गरेका हुन्।
बैठकका बिचमा बाहिर निस्किएका नेपाली कांग्रेसका पूर्व महामन्त्री डा. शशांक कोइरालाले भोलीको बैठकमा एमसिसी टेबल हुन सक्ने संभावना रहेको बताए।
उनले भने, ‘यस विषयमा हाम्रो छलफल भयो। पूर्व अर्थमन्त्री समेत रहेका डा राम शरण महतले एमसिसीको बारेमा ब्रिफिङ गर्नुभयो। उहाँले पनि यो सम्झौता नेपालको हित विपरित छैन। विश्वका अन्य ९,१० देशमा पनि यो कार्यान्वयन छ त्यहाँ अमेरिकी सेना आएका छैनन्। जुन हल्ला चलाइएको छ त्यो बेठीक हो भन्नु भएको छ।’
बुधबार दिउँसो १ बजे प्रतिनिधिसभाको बैठक बस्दैछ।
भर्खरै
लोकप्रिय
