ग्वाटेमालामा ज्वालामुखी बिस्फोट हुँदा २५ जनाको ज्यान गएको छ । फुएगो ज्वालामुखी बिस्फोट हुँदा झण्डै ३०० जना भन्दा बढि घाइते भएको सरकारी अधिकारीले बताएका छन् ।
राजधानी ग्वाटेमाला सिटीबाट झण्डै ४० किलोमिटर दक्षिण–पश्चिममा रहेको फुएगो ज्वालामुखीबाट कालो धुवाँ र खरानी उडेको बिबिसीले उल्लेख गरेको छ । ज्वालामुखी बिस्फोट हुन थालेपछि वरपरका ठाउँबाट मानिसलाई सुरक्षित स्थानमा सारिएको छ ।
ज्वालामुखी बिस्फोटबाट उडेको खरानी टाढासम्म पुगेको छ । तस्बिर : एएफपी/गेट्टी इमेज
यस्तै राजधानीमा रहेको ला अउरोरा विमानस्थल बन्द भएको छ । राष्ट्रपति जेमी मोलालेसले राष्ट्रिय आपलकालीन उद्धार तथा राहतको काम भइरहेको बताएका छन् ।
ज्वालामुखीबाट लाभा निस्किएको र त्यो बस्ती तिर आएको राष्ट्रिय विपद व्यवस्थापन कार्यालयका सर्गिओ काबानासले स्थानीय रेडियो स्टेसनलाई बताएका छन् ।
उनलाई उद्धृत गर्दै समाचार संस्था रोयटर्सले उद्धार, राहत तथा खोजीको काम भइरहेको जनाएको छ । ज्वालामुखी बिस्फोटका कारण झण्डै १० लाख मानिस प्रभावित भएका छन् ।
सरकारी अधिकारीले सबैलाई मास्क लगाउन आग्रह गरेका छन् । तस्बिर : एएफपी/गेट्टी इमेज
भर्खरै
लोकप्रिय
