काठमाडौँ – गीतकार तथा साहित्यकार खिम केसीको नयाँ गीत ‘आमा’ सार्वजनिक भएको छ।
प्युठानमा जन्मिएर हाल अमेरिकाको क्यालिफोर्नियालाई कर्मभूमि बनाएका गीतकार केसीले मातातीर्थ औँसी अर्थात् आमाको मुखहेर्ने दिनको अवसर पारेर सो गीत बजारमा ल्याएका हुन्।
लुकाएको मेरो माया, र म जहिले गीत ल्याइसकेका केसीको यो तेस्रो गीत हो।
यसअघिका गीतमा भन्दा यो गीतमा ‘आमा’ र बाल्यकालका यादहरू समेटिएको हुँदा यो गीत आफ्नो लागि पनि विशेष रहेको उनले बताएका छन्। उनी भन्छन्, ‘घर बाहिर हुँदा आमाको आवश्यकता झन् महसुस हुँदो रहेछ। त्यसैले यो गीतमार्फत फेरि बाल्यकालमा जाने प्रयास गरेको हुँ।’
लाटोकोसेरो फिल्म्सको प्रस्तुति रहेको केसीको सो गीतमा सनुप पौडेलले स्वर दिएका छन् भने राजन इसानले संगीत भरेका छन्।
बिजेस राजनले सम्पादन तथा निर्देशन गरेको गीतको भिडियोको छायाँकन नीरज श्रेष्ठले गरेका छन् भने एसियन म्युजिक कम्पनीले बजारमा ल्याएको छ।
गीतको भिडियोः
भर्खरै
लोकप्रिय
