ह्याट्रिक गर्दै अगाडि बढे केन

लन्डन– इङ्लिस प्रिमियर लिग फुटबलमा मंगलबार राती टोट्टनहामले साउथह्याम्पटनलाई ५–२ गोलले हराएको छ ।टोट्टनहामको जितमा ह्यारी केनले ह्याट्रिक गरे। घरेलु मैदानमा उत्रिएको टोट्टनहामका लागि केनले २२, ३९ र ६७ औं मिनेटमा गोल गर्दै ह्याट्रिक पुरा गरेका थिए ।

डेल अली र सन हियुङ मिनले एक एक गोल गरे ।केनले यो सिजन घरेलु लिगमा आफ्नो गोल संख्या १८ पुर्याएका छन्।

दोस्रो स्थानमा रहेका लिभरपुलका मोहम्मद सलाहले १५ गोल गरेका छन् । म्यानचेस्टर सिटीका सर्जियो एगुएरो १२ गोलसहित तेस्रो स्थानमा छन् ।
व्यक्तिगत प्रदर्शनमा केन अगाडि रहेपनि उनको टोली टोट्टनहाम भने लिगको चौथो स्थानमा छ। उसले २० खेलबाट ३७ अंक जोडेको छ । शिर्षस्थानमा रहेको म्यान सिटीको १९ खेलबाट ५५ अंक छ।