काठमाडौँ – नेपाल कम्युनिष्ट पार्टी एकता राष्ट्रिय अभियान सञ्चालन गर्दै आएका नेता वामदेव गौतमले नयाँ पार्टीको घोषण गदैछन्।
नेकपा एमालेका पूर्वनेता गाैतमले आज मंगलबार दिउँसो ३ बजे रिपोर्टस् क्लबमा पत्रकार सम्मेलन गर्दै नयाँ दलको औपचारिक घोषणा गर्न लागेका हुन्।
यो पार्टीमा निर्वाचन आयोगमा यस अगाडि दर्ता भइसकेका समाजवादी केन्द्र, आधुनिक नेपाल समाजवादी पार्टी र नेकपा राष्ट्रवादी पार्टी सम्मिलित हुनेछन्।
नयाँ दलकाे संयोजकमा गौतम नै रहने छन् भने पदाधिकारीमा डिबी कार्की सचिव रहने प्रचार विभाग प्रमुख नीमकान्त पाण्डेले जानकारी दिए।
पाण्डेका अनुसार अन्य पदाधिकारी नरहने र ६९ सदस्यीय केन्द्रीय कमिटी घोषणा हुनेछ।
उनले नेकपा विभाजनपछि एमाले र एकीकृत समाजवादी कतैपनि नलागी सबै कम्युनिष्ट एक हुनुपर्ने भन्दै नेपाल कम्युनिष्ट पार्टी एकता राष्ट्रिय अभियान सञ्चालन गर्दै आएका थिए।
केही दिन अगाडि वामदेवले ललितपुरको सिद्धार्थ कटेजमा राष्ट्रिय भेला गरेर पार्टी घोषणा गरेर जाने निर्णय गरेका थिए।
केन्द्रीय समितिमा रहेका सदस्यहरू :
भर्खरै
लोकप्रिय
