मनसुन अझै निष्क्रिय, आउँदो हप्ता सक्रिय हुन थाल्ने

काठमाडौँ – मनसुन अहिले पनि निष्क्रिय अवस्थामै रहेको जल तथा मौसम पूर्वानुमान महाशाखाले जनाएको छ ।

पूर्वबाट भित्रिएको मनसुन अहिले पनि निष्क्रिय नै रहेको र आउँदो सोमबारदेखि केही सक्रिय हुने देखिएको मौसमविद वरुण पौडेलले जानकारी दिएका छन् । सोमाबारदेखि पूर्व हुँदै पश्चिम तिर मनसुन फैलिँदै जाने उनले बताए ।

बिहीबारको मौसमको कुरा गर्दा पूर्वी क्षेत्रमा सामान्यतया बदली हुनेछ । यस्तै मध्य तथा पश्चिमका अधिकांश क्षेत्रमा मौसम सफा हुनेछ । मध्य तथा पश्चिमका पहाडी क्षेत्रमा भने आंशिक बदली हुने र छिटफुट पानी पर्ने सम्भावना भने छ ।