काका तिर लागे

बलिया बाङ्गा किन हो पाखा तिर लागे

नातागोता आफ्ना जति काखा तिर लागे।।

खुँदो पाथि खाए पनि स्वाद छैन गुलियो

पुरानाका आँखा महका चाका तिर लागे।।

बुर्कुसी मारे भन्छन् कसरि यताबाट उता

तिनका नजर ढ्वाङ भर्ने खाका तिर लागे।।

कहिले पानी बाराबार कहिले लगन गाँठो

एउटै स्वरमा भैलो खेल्ने भाका तिर लागे।।

यिनका उहि तमासामा भर नलागि ख्वात्तै

आँसु झार्दै जमात बिदेसी नाका तिर लागे।।

बखत पनि अचम्मको पहिचान छाडे ‘बिष्णु’

आफ्नो बाउलाइ पन्छाएर काका तिर लागे।।