देशभर मौसम बदली, दिउँसो केही ठाउँमा खुल्ने

काठमाडौँ – देशभरको मौसम बुधबार सामान्यतया बदली हुने जल तथा मौसम पूर्वानुमान महाशाखाले जनाएको छ । मंगलबारको तुलनामा बालद मौसम केही खुलेजस्तो देखिए पनि देशभर नै बदली हुने मौसमविद गंगा नगरकोटीले जानकारी दिइन् ।

पूर्व र मध्य क्षेत्रका केही ठाउँमा हल्कादेखि मध्यम स्तरको पानी पर्ने तथा पश्चिमका थोरै ठाउँमा पानी पर्ने देखिएको मौसमविदको भनाई छ । सोमबार र मंगलबारको तुलनामा पानी कम पर्नेछ ।

काठमाडौँ उपत्यकासहित देशका विभिन्न ठाउँमा बुधबार दिउँसो तिर घाम लाग्ने सम्भावना पनि छ । विशेषगरी पश्चिमका विभिन्न ठाउँमा दिउँसो मौसम केहीबेर खुल्ने सम्भावना रहेको मौसमविद नगरकोटीले जानकारी दिइन् ।

तर बेलुकातिर भने फेरि बदली हुनेछ । मनसुनी न्युन चापीय रेखा नेपालमाथि रहेकाले अहिले देशभर बदली भएको हो ।