वीरगञ्ज- पर्सामा रहेको कार्टुन कारखानामा आगलागी हुँदा १४ करोडको क्षति भएको छ।
पर्साको बिन्दवासिनी गाउँपालिका-२ गर्दौल स्थित रहेको बाबा प्रिन्टिङ एण्ड प्याकेजिङ इन्डष्ट्रिज प्रालिकाे कार्टुन फ्याक्ट्रीमा आगोलागी हुँदा उक्त मूल्य बराबरको क्षति भएको प्रहरीले जनाएको छ।
मंगलबार राति पौने १२ बजेको समयमा आगलागी भएको थियाे।आगलागीमा परी फ्याक्ट्रीमा रहेको कच्चा पदार्थ, मेसिनरी सामानहरू तथा तयारी गरिएको कार्टुनलगायत जलेर १४ करोड बराबरको क्षति भएको कारखाना पक्षबाट जानकारी प्राप्त भएको पर्साका प्रहरी प्रवक्ता दिपक गिरिले जानकारी दिए।
वीरगञ्ज महानगरपालिका, पोखरिया नगरपालिका र विपत व्यवस्थापन गुल्म पर्साकाे दमकलसहितकाे प्रहरी टोली तथा सशस्त्र प्रहरीले राति २ बजेर ५५ मिनेटमा आगलागी नियन्त्रणमा लिएको थियाे।
आगलागी कसरी भयो भन्ने बारेमा थप अनुसन्धान भइरहेको गिरिले बताए।
भर्खरै
लोकप्रिय
