काठमाडौँ – मिटरब्याज पीडितहरुले आन्दोलनका क्रममा सडकमै बसेर खाना खाएका छन्।
बर्दिबासबाट १२ दिन हिँडेर काठमाडौँसम्म आइपुगेका उनीहरुलाई सोमबार खुलामञ्चभित्र जान महानगरले रोक लगाएको थियो।
उनीहरूले राति खुल्लामञ्च बाहिर सडकमै रात बिताएका थिए। बिहान त्यहाँबाट बालुवाटारसम्म मार्च पास गरेका थिए भने बालुवाटारबाट भद्रकाली, माइतिघर हुँदै नयाँ बानेश्वरसम्म उनीहरुले मार्च पास गरेका हुन्।
उनीहरुले आफ्ना माग राख्दै सडक आन्दोलन गरिरहेका छन्। आन्दोलनका क्रममा उनीहरुले सडकमा नै खाना खाएका हुन्। कहाँ बस्ने के खाने भन्ने टुङ्गो नभएका उनीहरुले आफूले ल्याएको केही खाना सडकमा नै बसेर खाएका हुन्। उनीहरुमध्ये धेरै जना खाली खुट्टै आन्दोलनमा सहभागी छन्।
माग पूरा नभएसम्म आन्दोलन जारी राख्ने उनीहरुले बताएका छन्। उनीहरूले ‘मिटरब्याजीलाई कारबाही गर’, ‘पीडितलाई न्याय दे’, ‘तमसुक व्यवस्था खारेज गर’ लगायतका नारा लगाएका छन्।
भर्खरै
लोकप्रिय
