बसन्त चौधरीले ल्याए नातिनीको नाममा कवितासङ्ग्रह

काठमाडौँ- बसन्त चौधरीले आफ्नो नातिनीको जन्मोत्सवको पूर्वसन्ध्याको अवसर पारेर ‘आहाना’ बाल कवितासङ्ग्रह विमोचन गरेका छन्।

साहित्यकार चौधरीले आफ्नो नातिनीको जन्मोत्सवको पूर्वसन्ध्यामा सो पुस्तक विमोचन गरेका हुन्। पुस्तकको विमोचन ललितपुरको खुमलटारस्थित प्रिमियर इन्टरनेशनल स्कूलमा गरिएको थियो जहाँ आहाना अध्यानरत छिन्।

विमोचन कार्यक्रममा बोल्दै चोधरीले आफ्नो प्राणप्रिय नातिनी आहानाको जन्मोत्सवको पूर्वसन्ध्यामा पुस्तक निकाल्न पाउँदा खुशी लागेको बताएका छन्। साथै बाल साहित्य एकदमै जटिल विषय भएकोसमेत उने बताएका छन्।

कार्यक्रममा आहानाले विद्यालयमा अध्ययनरत केही विद्यार्थीहरुलाई शैक्षिक सामग्रीसमेत हस्तान्तरण गरेकी थिइन्।