काठमाडौँ- नेपाल प्रहरी नायव महानिरीक्षक (डीआइजी) को लागि १३ जना बढुवा सिफारिस भएका छन्।
आज बसेको बढुवा समितिको बैठकले १३ जनालाई सिफारिस गरेको हो। डीआइजी बढुवाका लागि कुवेर कडायत पहिलो नम्बरमा सिफारिस भएका छन्। त्यस्तै दोस्रोमा केदार ढकाल सिफारिस हुँदा तेस्रोमा विष्णुकुमार केसी सिफारिस भएका छन्।
यस्तै भरतबहादुर बोहरा, लालमणी आचार्य, रवीन्द्र केसी, राजेशनाथ बास्तोला, चन्द्र कुबेर खापुङ, जनक भट्टराई, सुरेन्द्र प्रसाद मैनाली, अर्जुन चन्द ठकुरी, यज्ञविनोद पोखरेल र विकासराज खनाल बढुवाका लागि सिफारिस भएका छन्।
२०५१ सालमा प्रहरी निरीक्षकमा भर्ना भएका र सोही विज्ञापनका वैकल्पिकहरु डीआईजी सिफारिस भएका हुन्।
२०७७ वैशाखमा एसएसपी भएका १० जना डीआईजी बन्दा पछिल्लो ब्याचबाट ३ जना सिफारिस भएका छन्।
गृह मन्त्रालयको सिफारिसमाथि एक साताभित्र मन्त्रिपरिषद् बैठकले निर्णय गर्ने व्यवस्था छ ।
भर्खरै
लोकप्रिय
