अ
+
अ
अ
-
काठमाडौँ – चिकित्सा शिक्षामा सुधारको माग गर्दै सत्याग्रहमा रहेका डा. गोविन्द केसीको आन्दोलन र मागमा ऐक्यबद्धता जनाउँदै काठमाडौँको बसन्तपुरमा १०० जना भन्दा बढी अनशनमा बसेका छन् ।
डा. केसीको समर्थकको पहलमा आइतबार बिहान १० बजेदेखि सुरु भएको अनशनमा स्वतस्फूर्त रुपमा १०० जना भन्दा बढी अनशनका लागि पुगेका छन् । बेलुका पाँच बजेसम्म अनशन जारी रहेनेछ ।
डा. केसीको मागमा ऐक्यबद्धतासँगै उनको जीवन रक्षाका लागि आन्दोलन भएको अगुवाले बताएका छन् । डा. केसीले सत्याग्रह सुरु गरेको २३ दिन भएको छ ।
उनले माथेमा आयोगको प्रतिवेदन अनुसार तयार भएको चिकित्सा स्वास्थ्य अध्यादेशको मर्म तोडमोड गरेर संसदमा चिकित्सा शिक्षा विधेयक पेश भएको विरोधमा सत्याग्रह सुरु गरेका हुन् ।
उनको समर्थनमा समाजका विभिन्न पक्षबाट सरकारलाई दबाब दिने खालका आन्दोलन हुँदै आएका छन् ।
भर्खरै
लोकप्रिय
