परिवारसहित ब्राजिल जाने आशमा भारत पुगेर फर्किए ६ जना, दलाल पक्राउ

काठमाडौँ– ब्राजिलमा मासिक ७० देखि ९० हजार तलव र परिवारसहित ब्राजिल बस्न पाउने आशमा ६ जना ठगीएका छन् । दलालले ग्रिन कार्ड लिएर परिवारहरुलाई समेत लैजान पाइने आश देखाएपछि बाटो लागेका ६ जना भारतमा ४ दिन अलपत्र परेपछि नेपाल फर्किएका छन् ।

उनीहरुलाई सुर्खेतको साविक डांडांखाली ४ का सागर मल्ल भन्ने लिल बहादुर मल्लले अलपत्र पारेको प्रहरी केन्द्रीय अनुसन्धान व्यूरो सिआइबीले जनाएको छ ।

४४ वर्षे मल्ललाई प्रहरीले पक्रेर काठमाडौं जिल्ला अदालतमा बुझाएको छ । अदालतले ५ दिन म्याद थपेको छ । ब्राजिलको भिषा लगाईदिने भनि कोलम्बियाको जाली भिषा बनाएर भारतमा ४ दिनसम्म राखेर अलपत्र पारेका थिए ।