काठमाडौं- नक्कली भुटानी शरणार्थी प्रकरणमा जिल्ला सरकारी वकिल कार्यालय काठमाडौंले जिल्ला अदालत काठमाडौंमा मुद्दा दर्ता गरेको छ।
बुधबार अपरान्ह सरकारी वकिल कार्यालयले नेपाली नागरिकलाई भुटानी शरणार्थी बनाएर अमेरिका लैजाने ठगी प्रकरणमा ३० जना प्रतिवादी विरुद्ध जिल्ला सरकारी वकिल कार्यालयमा अभियोग पत्र दायर गरेको हो ।
उनीहरूविरुद्ध ठगी, सरकारी कागजात किर्ते, राष्ट्रहितविरुद्धको कसुर र संगठित अपराध मुद्दामा कारबाही गर्न माग गरिएको छ।
नक्कली भुटानी शरणार्थी प्रकरणमा एमाले नेता तथा प्रतिनिधि सभा सदस्य टोपबहादुर रायमाझी, कांग्रेस नेता बालकृष्ण खाँण, पूर्वसभासद आङटावा शेर्पा, गृह मन्त्रालयका तत्कालीन सचिव टेकनारायण पाण्डे, तत्कालीन गृहमन्त्री रामबहादुर थापाका सुरक्षा सल्लाहकार इन्द्रजित राईलगायत ३० जनाबिरुद्ध मुद्दा दर्ता गरिएको हो।
प्रकरणमा हालसम्म १६ जना पक्राउ परेका छन्। नेपालीलाई नक्कली भुटानी शरणार्थी बनाएर लैजाने क्रममा उनीहरुको संलग्नता रहे नरहेकोबारे प्रहरीले अनुसन्धान सकाएर प्रतिवेदन बुझाइसकेको छ। अनुसन्धानका क्रममा पक्राउ परेकाहरुको बयानबाट अन्यकोसमेत संलग्नता रहेको खुलेको थियो।
उक्त मुद्दाको २ सय २४ पृष्ठको अभियोगपत्र :
भर्खरै
लोकप्रिय
