पोखरा- ड्रागन बोट रेस फेस्टिबलको फाइनल शनिबार हुँदैछ। २ सय र ५ सय मिटर दुरीको प्रतिस्पर्धामा ४ टोलीले प्रतिस्पर्धा गर्दैछन्।
शुक्रबारबाट सुरु भएकाे प्रतियोगितामा नेपाली ४ र चीनका ४ गरी ८ टिम सहभागी थिए।
हिजाेकाे पहिलो चरणको प्रतिस्पर्धामा सिचुवान ड्रागन बोट, युवान ड्रागन बोट, एसजी ड्रागन बोट (सिंगापुर), चाइना-नेपाल फ्रेन्डसीप ड्रागन बोट (पोखरा), नारा ड्रागन बोट (नेपाल), एनआरिसए ड्रागन बोट (नेपाल), फेवा ड्रागन बोट र पोखरा महानगर ड्रागन बोट सहभागी भएका थिए।
दुवै विधामा सिचुवान, नारा, युनान र एनआरिसए ड्रागनबोट दोस्रो चरण प्रवेश गरेका छन्।
प्रतियोगिताको दुवै विधामा पहिलो हुनेले ५ लाख ५० हजार रुपैयाँ, दोस्रो हुनेले ३ लाख ५० हजार रुपैयाँ र तेस्रो स्थान प्राप्त गर्नेले २ लाख रुपैयाँ प्राप्त गर्नेछन् ।
चीनको प्रमुख चार परम्परागत पर्व मध्यको एक ड्रागन बोटरेश फेस्टिबल नेपालमा पहिलो पटक मनाइएको हो ।
बोटरेसका लागि चीनबाटै केरुङ नाका हुँदै ८ वटा विशेष डुंगा पोखरा ल्याइएको थियो। प्रतियोगिता सकिएपछि ती डुंगा चीनले पोखरा महानगरलाई हस्तानन्तरण गर्नेछ।
चिनियाँ खेलाडी र पाहुना भने छेन्दुबाट सिचुवान एयरलाइन्सको चार्टर उडानबाट पोखरा ओर्लिएका थिए।
नेपाल पर्यटन बोर्ड, चिनियाँ दूतावास र पोखरा महानगरपालिकाले संयुक्त रूपमा फेस्टिबलको आयोजना गरेका हुन्।
पोखरा पर्यटन परिषद् र चाइना ओभरसिज एसोसिएसनले पनि सहकार्य गरेको छ।
भर्खरै
लोकप्रिय
