प्रधानमन्त्रीको राजीनामा माग्दै एमालेले गर्‍यो प्रतिनिधिसभा अवरोध (तस्बिरहरु)

काठमाडौँ – नेकपा एमालेले प्रधानमन्त्री पुष्पकमल दाहाल ‘प्रचण्ड’को राजीनामा माग्दै प्रतिनिधिसभा बैठक अवरुद्ध गरेको छ।

प्रधानमन्त्री दाहालले सोमबार एक पुस्तक विमोचन कार्यक्रममा प्रितम सिंह आफूलाई प्रधानमन्त्री बनाउन पटक–पटक दिल्ली गएको अभिव्यक्ति दिएको विरोधमा एमालेले संसद अवरुद्ध गरेको हो।

सदनमा बोल्दै एमाले सांसद रघुजी पन्तले प्रधानमन्त्रीको राजीनामा नआएसम्म सदन नचल्ने बताए। एमाले सांसद्हरुले नाराबाजी गर्दै रोष्टम घेराउ गरेपछि सभामुख देवराज घिमिरेले बैठक आधा घण्टाका लागि स्थगित गरेका छन्।