काठमाडौं-भारतले ८ औं पटक एसियाकप क्रिकेटको उपिध जितेको छ। साविक विजेता श्रीलंकालाई उसकै मैदानमा १० विकेटले पराजित गर्दै भारतले पाँच वर्षपछि मुख्य प्रतियोगिताको उपाधि जितेको हो।
श्रीलंका विरुद्ध भारतको जित कुनैपनि टिम विरुद्धको सर्वाधि चाँडो जित हो। भारतले २ सय ६३ बल बाँकी हुँदै जित हासिल गर्यो। यसअघि भारतले केन्य विरुद्ध २००१ मा २ सय ३१ बल बाँकी हुँदा जित निकालेको थियो। ५० ओभरको एकदिवसीय खेलमा सर्वाधिक धेरै बल बाँकी हुँदा चाँडो जितको कीर्तिमान श्रीलंकाको नाममा रहेको छ। श्रीलंकाले २००१ मा जिम्बाब्वे विरुद्ध २ सय ७४ बल बाँकी हुँदा जित निकालेको थियो। तर समग्रमा भने इंग्ल्यान्डको नाममारहेको छ। ६० ओभरको खेल हूँदा १९७९ मा क्यानडालाई २ सय ७७ बल बाँकी हुँदा जित निकालेको थियो।
कोलम्बोको आर प्रेमदास स्टेडियममा श्रीलंकन टीम भारतीय बलर सामु निरीह हुँदै १५.२ ओभरमा ५० रनमा अलआउट भयो। जवाफमा भारतले ६.१ ओभमा बिना विकेटको क्षतिमा ५१ रन बनाएर लक्ष्य पुरा गर्यो। कप्तान रोहित शर्माको ठाउँमा ओपनिङका लागि आएका इशान किशनले १८ बलमा २३ रन र शुभमन गिलले २७ रनको अविजित इनिङ खेले।
भारतीय बलरले श्रीलंकालाई १५.२ ओभरमानै अलआउट गर्दै ५० रनमै समेट्दा मोहम्मद सिराजले ६ विकेट लिए। त्यस्तै हार्दीक पाण्ड्याले ३ विकेट लिए। त्यस्तै जसप्रित बुमराहको नाममा १ विकेट रह्यो।
श्रीलंकाले तोड्यो बंगलादेशको स्कोर
यो भारत विरुद्ध कुनैपनि टिमको सर्वाधिक कम स्कोर हो। यसअघि एकदिवसीय क्रिकेटमा सर्वाधिक कम स्कोर भारत विरुद्ध बंगलादेशको रहेको थियो। २०१४ मा बंगलादेश ५८ रनमा अलआउट भएको थियो। एकदिवसीय अन्तराष्ट्रियमा सर्वाधिक कम स्कोर अमेरिकाको नेपाल विरुद्ध रहेको छ। अमेरिका १२ फेब्रअरी २०२० मा नेपाल विरुद्ध ३५ रनमै समेटिएको थियो। त्यस्तै श्रीलंका विरुद्ध जिम्बाब्वे २००४ को अप्रिलमा ३५ रनमानै समेटिएको थियो।
भारतीय तिब्र बलरका सामु श्रीलंकाका कुनैपनि ब्याटरले २० रनको आँकडा पुरा गर्न सकेनन्। टीमले ३.६ ओभरमानै १२ रन जोड्दा ६ विकेट गुमाएको थियो। उसका लागि कुशल मेन्डीसको १७ रन सर्वाधिक रह्यो। त्यस्तै दुसन हेमन्थाले १३ रनको अविजित इनिङ खेले।
भर्खरै
लोकप्रिय
