नेपालको पोस्टमा जापानको ८ गोल

काठमाडौं- हाङझाउ एसियाली खेलकुदअन्तर्गत महिला फुटबलमा नेपाल समूहचरणबाटै बाहिरिएको छ। समूह चरणमा नेपाल लगातार दोस्रो खेलमा सोमबार जापानसँग ८-० ले पराजित भयो।

एकतर्फी खेलमा नेपाल विरुद्ध जापानले पहिलो हाफमै ५ गोल गरेको थियो। दोस्रो हाफमा नेपालमाथि उसले थप ३ गोल थप्यो। ओसावाले २ गोल गर्दा शिकोसी, योमामोतो, युइनो, वाकासाकी, सकाकिबारा र हिजिकाताले समान एक-एक गोल गरेका थिए।

यसअघि समूहको पहिलो खेलमा नेपाल  भियतनामसँग २-० ले पराजित भएको थियो। अब नेपालले समूहको अन्तिम खेलमा बंगालदेशसँग खेल्ने छ। अन्तिम आठमा पुग्ने सम्भावना सकिएको नेपालका लागि यो खेल औपचारिक्तामा सिमित हुने छ।