काठमाडौं- बिहीबार भएको गैरआवासीय नेपाली संघको निर्वाचनमा विवाद भएसँगै संघको समापन समारोह प्रभावित भएको छ। शुक्रबार साँझ हुने भनिएको समापन समारोहमा प्रधानमन्त्री पुष्पकमल दाहाल नजाने भएका छन्।
एनआरएनए निर्वाचन कमिटीले बिहीबार मध्यराति बद्री केसी निर्वाचित भएको घोषणा गरे पनि प्रतिष्पर्धी महेश श्रेष्ठ र आरके शर्माले मतदानमा धाँधली भएको आरोप लगाएका छन्।
उपाध्यक्षका उम्मेदवार डा. केशव पौडेलले नेपालबाट पाएको मत शून्य देखिएपछि मतगणना प्रक्रिया विवादित भएको हो।
अध्यक्ष पदका प्रतिष्पर्धी महेश श्रेष्ठ र आरके शर्माले प्रधानमन्त्रीलाई नजान आग्रह गरेका थिए।
प्रधानमन्त्रीका प्रेस सल्लाहकार गोविन्द आचार्यले प्रधानमन्त्री समापन समारोहमा नजाने पुष्टि गर्दै विवादित कार्यक्रममा नजाने पुष्टि गरेका छन्। ‘विवादित भएपछि प्रधानमन्त्री नजाने हुनुभएको हो,’ आचार्यले भने।
भर्खरै
लोकप्रिय
