दाङका चौधरी समुदायमा दसैंको माहोल, सखिया नाचका तस्बिरहरू

दाङ – दाङको घोराही उप महानगरपालिका ७ मा रहेको चौधरी गाउँमा दशैँको माहोल छ।

चौधरी गाउँमा पनि अन्य समुदायकै जस्तो घटस्थापनाको दिन मकैको जेउरा ( जमरा) राखेर दशैं सुरु भएको हो । त्यही दिनदेखि दशैंमा नाचिने सखिया नाच सेतो गुन्यू, चोली, पेटी लगाएर सजिएर नाचिने नाच पनि सुरु भएको हो ।

उक्त नाच गाउँको अगुवाको घरमा नाचिने गरिन्छ।

नवमीको दिन घरमा पितराई पूजा गर्ने गरिन्छ र बुहारीहरु नजिकको खोलामा सेलाउन जाने गर्दछन्।

नवमीको दिन टीका लाउने गरे पनि आज-भोलि दशमीकै दिन टीका लगाउने गर्ने गरिन्छ।

नवमीको दिन सोमबार चौधरी समुदायका बुहारीहरु पितराई पूजापछि नजिकको खोलामा सेलाउन गएपछि छोरीहरूले सखिया नाच्ने गर्छन् ।

यो नाच कोजाग्रत पूर्णिमासम्म नाच्ने परम्परा छ ।

तस्बिरहरूः