काठमाडौं- एसिसी यू-१९ प्रिमियर कपको फाइनलमा नेपालले युएई विरुद्ध खराव सुरुवात गरेको छ। मलेसियाको बायोमास ओभलमा जारी खेलमा टस जितेर पहिले ब्याटिङ गरेको नेपालले १४ रन जोड्दा २ विकेट गुमायो।
नेपालका ओपनर दिपक बोहरा ५ रन तथा आकाश त्रिपाठी शुन्य रनमा आउट भएका थिए। अहिले नेपालको इनिङलाई अर्जुन कुमालले १६ तथा देव खनालले ६ रन बनाएर समेटिरहेका छन्। नेपालले ८ ओभरको समाप्तीमा ३१ रन बनाएर खेलिरहेको छ।
यसअघि नेपालले सेमिफाइनल खेलमा जापानलाई डकवर्थ लेविस पद्धतिको आधारमा १ सय ४३ रन तथा युएईले दोस्रो सेमिफाइनल खेलमा सिंगापुरलाई डवकर्थ लेविस पद्धतिको आधारमा १० विकेटले हराउँदै फाइनलमा पुगेका थिए।
नेपालले गत फागनुमा आइसिसी यू-१९ विश्वकप एसिया क्षेत्र छनोटमा युएइलाई ७ रनले हराउँदै २०२४ को विश्वकपमा स्थान बनाएको थियो। नेपाल पुन एकपटक फाइनलमा युएईलाई हराउने लक्ष्यमा रहेको छ।
भर्खरै
लोकप्रिय
