प्रधानमन्त्रीसँग डा. केसीको भेटवार्ता सुरु

काठमाडौँ -प्रधानमन्त्री केपी शर्मा ओली र डा. गोविन्द केसीबिच भेटवार्ता सुरु भएको छ । प्रधानमन्त्री निवास बालुवाटारमा अहिले केहिबेर अघिबाट वार्ता सुरु भएको हो ।

वार्ताका लागि डा. गोविन्द केसी सार्वजनिक यातायात चढेर प्रधानमन्त्री निवास पुगेका थिए ।

चिकित्सा शिक्षा विधेयकमा भएको तोडमोडको विरोधमा डा. केसी २७ दिनसम्म अनशन बसेका थिए । सरकारसँग सम्झौता भएपछि साउन १० गते अनशन तोडेका थिए ।

तर सम्झौता कार्यान्वयनमा सरकार उदासिन भएको डा.केसीको आरोप छ । यहिबिचमा प्रधानमन्त्रीसँगको उनको भेटलाई अर्थपूर्ण रुपमा हेरिएको छ ।