जाजरकोट- शुक्रबार जाजरकोटमा गएको भूकम्पले बढी प्रभावित भएको क्षेत्रमा नलगाड नगरपालिकाले राहत वितरण सुरु गरेको छ।
हालसम्म पूर्ण क्षतिको विवरण नआइसकेको भएपनि प्राप्त मोटामोटी विवरणका आधारमा राहत वितरणको लागि पठाउन सुरु गरेको नलगाड नगरपालिकाका अधिकृत प्रभात सुवेदीले जानकारी दिए।
कूल १३ वडा रहेको यस नगरपालिकाका १ देखि ७ वडा भूकम्पबाट बढी प्रभावित रहेको र हाल बढी प्रभावितका लागि त्रिपाल, बल्याङ्कैट, जग, बाल्टिन, प्रोटबाल ट्वाइलेट लगायत अत्यावश्यक सामान वितरण गरिएको उनले बताएका हुन्।
उनका अनुसार भौगालिक विकटताका कारण पनि उद्धार एवम् राहत वितरणमा कठिनाई भइहेको छ।
त्यस्तै, राहतमा औषधि पनि पठाएको प्राथमिक अस्पतालका प्रमुख डाक्टर विशाल उप्रेतीले जानकारी दिए।
हालसम्म विभिन्न संघ-संस्थाहरूले दिएको राहत सहित औषधिहरू पठाइएको उनको भनाइ छ।
भूकम्प प्रभावित क्षेत्रमा नेपाली सेना, नेपाल प्रहरी, शास्त्र प्रहरी उद्धारका लागि पनि प्रचलित गरिएको छ।
शुक्रबार राति करिब ११:४७ मा जाजरकोटको रामडाँडा केन्द्रबिन्दु भएर ६.४ रेक्टरस्केलको भूकम्प जाँदा जाजरकोट र रुकुम पश्चिममा गरी १५७ जनाको ज्यान गएको छ। उक्त भूमकम्पमा परी १७० जना घाइते भएका छन्। उनीहरूको जिल्ला, प्रादेशिक तथा राजधानीका विभिन्न अस्पतालमा उपचार भइरहेको छ।
थप तस्बिरहरू:
भर्खरै
लोकप्रिय
