काठमाडौं- गत शुक्रबार राति जाजरकोटको रामीडाँडा केन्द्रबिन्दु भएर भूकम्प जाँदा जाजरकाेट र रुकुम-पश्चिममा ठूलो जनधनको भयो।
भूकम्पमा आफन्त गुमाएकाहरु शोकमा छन्। घर गुमाएकाहरू खुला आकाशमुनि बस्न बाध्य छन्। उनीहरू घरबाहिरै टेन्टमा बसिरहेका छन्।
सदरमुकाम खलंगाकाे अवस्था पनि निकै दर्दनाक देखिन्छ।
नेपाली सेना र प्रहरीकाे टाेलीले भत्किएका घरमा भएका सामग्रीहरू जम्मा गर्दैछन्। केही स्थानीय आफ्नाे भत्किएकाे घर हेरी टाेलाइरहेका छन्। केही स्थानीय भत्किएकाे घरमा केही महत्त्वपूर्ण सामग्री पुरिएकाे छ कि भन्दै खाेजीरहेका छन्।
भूकम्पमा स्थानीयकाे घरमात्र नभइ मालपोत, नापीलगायतका सरकारी कार्यालयमा पनि क्षति पुर्याएकाे छ। सरकारी कर्मचारीहरू आफ्नाे कार्यालय भत्किएपछि सामानहरू सारेकाे तस्बिरमा देख्न सकिन्छ।
कार्यालय भत्किएसँगै नापी कार्यालयले कार्यालय नबन्दासम्म सेवा बन्द गरेकाे सूचना टाँसेकाे छ।
हेर्नूहोस् तस्बिरहरू:
भर्खरै
लोकप्रिय
