काठमाडौं-काठमाडौं महानगरपालिकाले रानीपोखरीलाई प्रताप मल्लकालीन शैलीमै बनाउन उत्खनन सुरु गरिएको छ।
पुरातत्वका पूर्वमहानिर्देशक विष्णुराज कार्की नेतृत्वको विज्ञ समूहले मंगलबारदेखि रानीपोखरीको उत्खनन् सुरु गरेको हो।
समूहले १ मिटरदेखि डेढ मिटरसम्म उत्खनन गरेको विज्ञ समूहको एक सदस्य प्राध्यापक सुदर्शनराज तिवारीले देश सञ्चारलाई बताए। उनले भने, ‘ हामीले डेढ मिटर खन्दा सोचेजस्तो माटो भेटाएनौ। अब अर्को ठाउँ पनि उत्खनन् गर्छौ।’
उनले प्रताप मल्लले बनाएको रानीपोखरीमा मध्यसमयमा कसले डिल हाल्यो भन्ने प्रश्न उठेपछि उत्खनन गर्ने निर्णय गरिएको समेत जानकारी दिए।
उनका अनुसार पहिलो पटकको उत्खनन्बाट कालो माटो भेटिएको छ। जसलाई परीक्षणका लागि पुरातत्व विभागको प्रयोगशालामा लगिएको छ।
त्यस्तै हिजो बसेको विज्ञ समूहको बैठकले रानीपोखरी पुनर्निर्माणबारे सार्वसाधारणसँग पनि सुझाव मागेको छ।
भर्खरै
लोकप्रिय
