सिमकोट – हिमाली जिल्ला हुम्लामा सामुदायिक विद्यालय सञ्चालनमा आएका छन्। पुस १५ गतेबाट लागू भएको हिउँदे बिदा सम्पन्न भएपछि विद्यालय सञ्चालनमा आएका हुन्।
शिक्षा विकास तथा समन्वय एकाइका प्रमुख भीमराज खत्रीले जाडो बिदामा रहेका सबै सामुदायिक विद्यालय सञ्चालनमा आएको बताए।
उनले पुस १५ गतेबाट हिउँदे बिदामा रहेका जिल्लाका सात वटै गाउँपालिकाका २७ वटा मावि र १२० वटा प्राथमिक तथा आधारभूत विद्यालय सञ्चालनमा आएको जानकारी दिए।
विद्यालय सञ्चालनमा आए पनि पढाइ भने सुरु भएको छैन। यसबाट २१ हजार ६८ जना विद्यार्थीको पठनपाठन हुने कार्य खुलेको छ। विद्यालय सञ्चालन भए पनि सबै विद्यालयले भर्ना कार्यको तालिका प्रकाशन गर्ने कार्य विद्यालयले सुरु गरेका छन्।
विद्यालयले कम्तीमा पनि दुई हप्ताको विद्यार्थी भर्ना कार्यक्रम राखेका छन्। त्यसले गर्दा पढाइ सुरु हुन भने अझै केही समय लाग्नेछ।
केही विद्यालयले फागुन १६ गतेबाट पढाइ सुचारु गर्ने तयारीसमेत गरेका छन्। नाम्खा गाउँपालिका– ५ को हिमालपारिको गाउँ लिमीको सुनखानी आविमा भने पठनपाठन सुरु भइसकेको छ।
भर्खरै
लोकप्रिय
