काठमाडौं- अभियन्त्रा ई: काे लुम्बिनी-सिंहदरबार पैदलयात्राकाे समापन कलंकीबाट सुरु भएकाे छ। सडक व्यवसाय र अनाैपचारिक क्षेत्र व्यवस्थापन एवं साना उद्यमी र सहरी गरिबकाे पक्षमा संघीय सरकारकाे भूमिका माग गर्दै लुम्बिन-देखि सिंहदरबार पैदलयात्रा सुरु भएकाे हाे।
कलंकीबाट भद्रकाली मन्दिरसम्म आएर अभियन्त्रा ई: लगायतका २० मिनेट मौन बसेका थिए। आजै ३ बजे प्रधानमन्त्री प्रधानमन्त्री पुष्पकमल दाहाल ‘प्रचण्ड’ ले समय दिएकाले उनी बालुवाटार पुग्नेछन्।
९ दिन लामो पैदलयात्रा आज सिंहदरबार पुगेर समापन हुन लागेकाे हाे।
अभियन्त्रा ई: ले देशमा बेरोजगारी, आर्थिक–सामाजिक असमानता बढेको र मौलिक हकअधिकार कुण्ठित भएको हुँदा सामाजिक न्याय सुनिश्चित हुनुपर्ने मागसहित पैदल यात्रा सुरु गरेका हुन्।
‘सडक व्यापारी, बृहत्तर अनौपचारिक क्षेत्र (६२% रोजगारी दिने), र शहरी गरीबको लोकरिझ्याइँ निर्देशित सीमान्तीकरण राष्ट्रिय रोगसरी बनेको छ। जसले गर्दा बेरोजगारी, आर्थिकसामाजिक असमानता बढेको र मौलिक हकअधिकार कुण्ठित भएका छन्,’ उनले भनेका थिए,’ सामाजिक न्याय सुनिश्चित गर्ने प्रावधानले भरिपूर्ण र समाजवादउन्मुख लेखिएको संविधानको सार्थकता पुष्टि गर्न एवं आमजनतामूखी कारुणिक शासन प्रोत्साहन गर्न अब यस विषयमा संघीय सरकारको भूमिका अनिवार्य बनेको छ।’
अभियन्त्रा ई: ले आम सर्वसाधारणलाई पनि पैदलयात्रामा सहभागी हुन आह्वान गरेका थिए।
तस्बिरहरू:
भर्खरै
लोकप्रिय
