सिमकोट – सिमकोट गाउँपालिकाले हिउँदे बिदापछि विद्यालयमा फागुन १६ गतेबाट पठनपाठन सुरु गर्ने भएको छ। फागुन २ गतेबाट विद्यालय सञ्चालनमा आए पनि यो बीचमा विद्यार्र्थी भर्ना गरिएको कारण कक्षा सञ्चालन ढिलो गर्नुपरेको हो।
गाउँपालिका शिक्षा युवा तथा खेलकुद शाखाका नायव सुब्बा कृष्ण प्रसाद आचार्यले फागुन १६ गतेबाट सबै विद्यालयमा पठनपाठन सुरु हुने बताए।
उनले यसअघिको प्रधानाध्यापक बैठक मै फागुन १६ गतेबाट नयाँ शैक्षिक सत्रको पठनपाठन अनिवार्य सुरु गर्ने निर्णय अनुसार पढाइ सुरु हुने बताए।
फागुन २ गतेबाट सबै विद्यालयले भर्ना कार्य गरेको र अव भर्ना अन्तिम चरणमा पुगेकोले पढाइ सुरु हुनेछ। सिमकोटमा सामुदायिक विद्यालय २१ वटा छन् भने चार वटा संस्थागत विद्यालय छन्। यसका लागि तीन हजार विद्यार्र्थी अध्ययन गर्दै आएका छन्।
विद्यालय भने हिउँदे बिदापछि फागुन २ गतेबाट सञ्चालनमा आएका थिएनन्। पुस १६ गतेबाट हिउदे बिदा सुरु भएको थियो।
भर्खरै
लोकप्रिय
