काठमाडौँ – प्रधानमन्त्री पुष्पकमल दाहालले आफू नमर्दासम्म देशमा उथलपुथल भइराख्ने बताएका छन्।
सोमबार काठमाडौँमा आयोजित एक कार्यक्रमलाई सम्बोधन गर्दै प्रधानमन्त्री दाहालले एमालेसँगको नयाँ गठबन्धन बनेकोतर्फ संकेत गर्दै आफू नमर्दासम्म देशमा उथलपुथल भइराख्ने बताएका हुन्।
उनले देशमा नयाँ राजनीतिक ध्रुवीकरण भएको बताए। ‘आजको दिन एकपटक फेरि नयाँ ध्रुवीकरण, नयाँ राजनीतिक परिस्थित सिर्जना र नयाँ उथलपुथल भएको दिन पनि बन्यो,’ उनले भने,’म नमर्दासम्म देशमा उथलपुथल भई नै राख्छ।’
माओवादी जमेको पोखरीजस्तो स्थिर नभई गड्गडाउँदो नदीजस्तो भएको उनको भनाइ थियो।
उनले भने,’साँचो कुरा हो, माओवादी जहिले पनि सिद्धान्त र व्यहारका दृष्टिकोणले जमेको पोखरीजस्तो गरेर बस्ने होइन, गडगडाउँदो खोलाजस्तो, गडगडाउँदो नदीजस्तो हो। यो निरन्तरतामा रमाएर स्थिरतामा बस्न सक्दैन। निरन्तरतामा क्रम भंग गर्दै नयाँ परिस्थित सिर्जना गर्दै आगाडि बढ्ने जात हो माओवादी।’
उनले आफूलाई सध्याउन प्रतिक्रियावादीहरुबाट धेरै प्रयासहरु भएको दाबी गरे।
भर्खरै
लोकप्रिय
