अ
+
अ
अ
-
पोखरा- गण्डकी प्रदेशका मुख्यमन्त्री सुरेन्द्रराज पाण्डेले नेकपा माओवादी केन्द्रका दुई मन्त्रीलाई बर्खास्त गरेका छन्।
संघमा सत्ता समीकरण बदलिएपछि सोमबार मुख्यमन्त्री पाण्डेले बर्खास्त गरेर मन्त्रालय आफू मातहात राखेका हुन्।
मुख्यमन्त्री पाण्डेले बर्खास्तीको पत्र प्रदेश प्रमुखको कार्यालयमा पठाएका छन्।
गण्डकीमा नेकपा माओवादी केन्द्रबाट सामाजिक विकास तथा स्वास्थ्यमन्त्री सुशील सिम्खडा र भौतिक पूर्वाधार तथा यातायात व्यवस्थामन्त्री रेशमबहादुर जुग्जाली मुख्यमन्त्री पाण्डे नेतृत्वको सरकारमा थिए।
वैशाख १४ गते नेपाली कांग्रेस संसदीय दलका नेता सुरेन्द्रराज पाण्डे नेकपा माओवादी केन्द्र र एकीकृत समाजवादीका सांसदको समर्थनमा मुख्यमन्त्री बनेका थिए।
उनको नेतृत्वमा बनेको ७ सदस्यीय मन्त्रीमण्डलमा नेकपा माओवादी केन्द्रका २ मन्त्री थिए।
भर्खरै
लोकप्रिय
