काठमाडौं- हङकङमा जारी टी-२० त्रिकोणात्मक सिरिजको फाइनलमा नेपालले टस जितेर पहिले बलिङ गर्ने निर्णय गरेको छ। नेपालका कप्तान रोहित पौडेलले टस जितेर पहिले बलिङ गर्ने निर्णय गरेका हुन्। केही समय पछि पिएनजी पहिले ब्याटिङका लागि मैदान उत्रिने छ।
फाइनलमा स्थान बनाउने क्रममा पिएनजीले हङकङलाई १० विकेटले हराएको थियो भने मंगलबार बिहाननै भएको खेलमा नेपाललले भने पिएनजीलाई ८५ रनले पराजित गर्दै फाइनलमा स्थान बनाएको थियो। त्यसअघि पहिलो खेल वर्षाले प्रभावित हुँदा नेपाल र हङकङले अङ्क बाँडेका थिए।
पिएनजीविरुद्ध पछिल्लो ४ टी-२० खेलमा नेपाल हारेको छैन। सन् २०२२ मा नेपालमा सम्पन्न त्रिकोणात्मक सिरिजमा पनि नेपालले फाइनलमा पिएनजीलाई नै हराएको थियो। यद्यपि पिएनजी हङकङलाई १० विकेटले हराएकाले नेपाल विरुद्ध लिगचरणमा ब्योहोरेको हारको बदला लिने लक्ष्यमा छ।
नेपाल पनि आफ्नो उतरचढावपूर्ण प्रदर्शनका कारण टोलीमा एकरुप्ता नहुँदा लय समाउन सकिरहेको छैन्। निरन्तर ब्याटिङ अर्डर परिक्षणमा रहेको नेपालले हङकङ भ्रमणमा आफ्ना महत्वपूर्ण ६ खेलाडीलाई टोलीमा समेटेको छैन्। यद्यपि यहि टोलीबाटै उपाधि चुम्दै नेपाल फर्किने लक्ष्यमा पिएनजी विरुद्ध फाइनल खेल्दै छ।
भर्खरै
लोकप्रिय
