काठमाडौं- संघीय संसद् अन्तर्गत प्रतिनिधिसभाको बैठक सुरु भएको छ। नयाँ बानेश्वरस्थित संघीय संसद् भवनमा केही बेरअघि सुरु भएको बैठकमा मुख्य नेताहरू भने अझै आएका छैनन्।
हिजो प्रधानमन्त्री पुष्पकल दाहाल ‘प्रचण्ड’ले विश्वासको मत लिने दिन भरिभराउ भएको संसद् आज भने खाली रहेको छ।
बैठकमा यतिबेला कांग्रेस सांसद् गगन थापा, प्रकाशमान सिंह, धनराज गुरुङल, चन्द्र भण्डारी र एमाले सांसद् गोकण विष्टगायतको उपस्थिति देख्न सकिन्छ ।
आजको बैठकमा प्रेम सुवालले संघीय निजामती सेवा विधेयक, २०८० लाई प्रस्तुत गर्न अनुमति माग्ने प्रस्तावमाथि राखेकाे विरोधको सूचनालाई निर्णयार्थ प्रस्तुत गरिने कार्यसूची रहेको छ।
यसैगरी, सो बैठकमा संघीय मामिला तथा सामान्य प्रशासनमन्त्री भानुभक्त जोशीले संघीय निजामती सेवा विधेयक, २०८० प्रस्तुत गर्ने, निर्माणमुखी सामग्री (व्यवस्थापन तथा नियमन) विधेयक, २०८० माथी विचार गरियोस् भन्ने प्रस्ताव प्रस्तुत गर्ने, आ.व. २०८१/०८२ को लागि विनियोजन विधेयकका सिद्धान्त र प्राथमिकता सम्बन्धमा (कर प्रश्ताव बाहेक) माथि छलफल प्रारम्भ हुने कार्यसूची रहेको छ।
थप तस्बिरहरू:
भर्खरै
लोकप्रिय
