अ
+
अ
अ
-
काठमाडौं- तीन खेलको टी-२० सिरिजको अन्तिम खेलमा नेपाल ‘ए’ले टस हारेको छ।
आयरल्यान्ड ‘ए’ले टस जितेर पहिले फिल्डीङ गर्ने भएसँगै अन्तिम खेलमा नेपालले पहिले ब्याटिङ गर्ने भएको हो।
नेपालले टोलीमा एक परिवर्तन गरेको छ। किरण ठगुन्नाको स्थानमा नारायण जोशीले प्लेइङ ११ मा मौका पाएका छन्।
लगातार दुई खेल हारेर सिरिज गुमाईसकेको नेपालका लागि आजको खेल क्लिन स्विपबाट जोगिनका लागि महत्त्वपूर्ण रहेको छ। खेल केहीबेरपछि टियु क्रिकेट मैदानमा सुरु हुनेछ। अघिल्ला दुवै खेलमा नेपालले टस जितेर पहिले फिल्डिङ गर्ने निर्णय गरेको थियो।
खेलमा नेपाल पहिलो जितको प्रयासमा रहँदा आयरल्यान्ड क्लिन स्विपको लक्ष्यमा रहनेछ। नेपालले पहिलो खेलमा २१ रन र दोस्रो खेलमा ४० रनको हार भोगेको थियो।
दुवै खेलमा टस जितेर पहिले फिल्डिङ गरेको नेपालविरुद्ध आयरल्यान्डले उत्कृष्ट ब्याटिङ गर्दै आएको छ।
भर्खरै
लोकप्रिय
