रुसी सेनामा कार्यरत नेपालीको जीवन रक्षाको माग गर्दै माइतीघरमा धर्ना (तस्बिरहरु)

काठमाडौँ – रुसी सेनामा कार्यरत नेपालीको जीवन रक्षाको माग गर्दै आफन्तहरूले माइतीघर मण्डलामा धर्ना तथा अनसन सुरु गरेका छन्। पीडितका परिवार र आफन्तहरुले शुक्रबार दिउँसोबाट माइतीघरमा धर्ना तथा अनसन सुरु गरेका हुन्।

उनीहरुले रुसी सेनामा गएका सबै नेपालीको अवस्था सार्वजनिक, रुसी सेनामा गएर सम्पर्कविहीन भएकाहरुको खोजी, मृत्यु भएकाहरुको शव फिर्ता, रुसी सेनामा भर्ती भएकाहरु र युक्रेनको कब्जामा रहेकाहरुको सकुशल उद्धारको माग राखेका छन्।

त्यस्तै, उनीहरुले युद्धमा घाइते नेपालीको उचित उपचार, मृतक परिवारलाई क्षतिपूर्ति र शव नेपाल ल्याउने व्यवस्था, रुसी सेनाबाट पाउने तलब, भत्ताका लागि सहजीकरणको माग उनीहरूले गरेका छन्।