काठमाडौं– सर्वोच्च अदालतले तनहुँ क्षेत्र नम्बर दुई प्रदेश सभा कको निर्वाचनमा मतपत्र र मुचुल्का पेश गर्न आदेश दिएको छ।
प्रधान न्यायाधीश गोपाल पराजुलीसहितको पाँच सदस्यीय संवैधानिक इजलासले अर्को सुनुवाइमा मतगणनाको टिपोट र मुचुल्कासहित उपस्थित हुन निर्वाचन आयोगलाई आदेश दिएको हो। इजलासमा अन्य न्यायाधीशहरु दिपकराज जोशी, ओमप्रकाश मिश्र, चोलेन्द्रशमशेर राणा र दीपकुमार कार्की छन्।
पराजित प्रदीप पौडेलले मतगणनामा धाँधली गरी आफूलाई हराइएको भन्दै निर्वाचन नतिजा बदर गर्न र आफूलाई विजयी घोषित गर्न अनुरोध गर्दै सर्वोच्चमा याचिका दायर गरेका थिए।
तर निवेदकको आग्रहअनुसार इजलासले बुधबारै अन्तरिम आदेश जारी नगरे पनि मतपत्र र मुचुल्काको अध्ययनपछि मात्र यसबारे निर्णय अपेक्षित छ।
उक्त क्षेत्रमा पौडेल पाँच मतले पराजित घोषित भएका थिए तर उनले २३ सय २८ मत खसेको बुथमा आफू ३७ मतले अगाडि रहे पनि प्रतिद्वन्द्वी आशा कोइरालालाई जालझेलपूर्ण तरिकाले विजय घोषित गरिएको पौडेलको आरोप छ।
यो पनि हेर्नुहोस्:
भर्खरै
लोकप्रिय
