बसन्तपुरमा गाईजात्राको यस्तो रौनक

काठमाडौँ – परम्परागत सांस्कृतिक उत्सव ‘गाईजात्रा’ सोमबारदेखि सुरु भएको छ । भाद्र कृष्ण प्रतिपदादेखि अष्टमीसम्म आठ दिन मनाइने गाईजात्रा पर्वमा विशेष गरी एक वर्षभित्र दिवङ्गत आफन्तका सम्झनामा गाई वा मानिसलाई गाईका रूपमा सिँगारी आआफ्ना क्षेत्रमा परिक्रमा गराउनाका साथै उनीहरूलाई श्रद्धालुद्वारा दूध, फलफूल, रोटी, चिउरा, दहीका साथै अन्न र द्रव्य दान गरिन्छ ।

यसरी नगर परिक्रमा गर्नाले वर्षभरि मृत्यु भएका व्यक्ति गाईको पुच्छर समाई वैतरणी पार हुन्छन् भन्ने धार्मिक विश्वास छ । गाईजात्रा पर्व काठमाडौँ उपत्यकालगायत काभ्रेपलाञ्चोक, सिन्धुपाल्चोक, नुवाकोट, दोलखा, खोटाङ, भोजपुर, सङ्खुवासभा, इलाम, सुनसरी, मोरङ, पर्सा, मकवानपुर, कास्कीलगायत जिल्लाका शहरमा पनि मनाइन्छ ।

काठमाडौँको बसन्तरपुर क्षेत्रमा सोमबार बिहान विशेष गाईजात्रा निकालियो । देश सञ्चारका फोटो पत्रकार सुलभ श्रेष्ठले बसन्तपुरमा भएको गाईजात्राका केही तस्बिर खिचेका छन् ।