काठमाडौँ- प्रधानमन्त्री पुष्पकमल दाहाल प्रचण्ड दसाैँ चुरे संरक्षण दिवसका अवसरमा आयोजित वृहत वृक्षरोपण कार्यक्रममा सहभागी हुँदै गर्दा चुरै तथा वनजंगल संरक्षण अभियानका अभियन्ताहरु काठमाडौँमा धर्ना बसिरहेका छन्।
उनीहरु २५ दिनदेखि काठमाडौँमा धर्नामा बसिरहेका हुन्।
उनीहरुले प्रधानमन्त्री पुष्पकमल दाहाल, पूर्वप्रधानमन्त्रीहरु माधवकुमार नेपाल, शेरबहादुर देउवा, राप्रपाका अध्यक्ष राजेन्द्र लिङदेन, जनता समाजवादी पार्टीका अध्यक्ष उपेन्द्र यादवलगायतका तस्बिरहरु राखेर ‘लापता’ भन्दै व्यंग्यात्मक टिप्पणी गरेका छन्।
उनीहरुले चुरेलाई अतिक्रमणमुक्त गर्न तथा पानीको व्यवस्था गर्न सरकारसँग माग गरेका छन्।
उनीहरुले ‘मधेशमा पानीकाे हाहाकार यसकाे जिम्मेवार काे त सरकार?’, ‘पानीकाे लागि रुख बचाऊ’, ‘सिर्सिया नदी प्रदूषण र अतिक्रमणकाे विराेधमा भएकाे आन्दोलन कतिमा बेचियाे?’ ‘अतिक्रमण परेकाे चुरे तथा वन क्षेत्रकाे जग्गा फिर्ता गराई चुरे वन जंगल संरक्षण गराैँ’लगायत माग राखेर माइतीघरमा धर्ना गरिरहेका छन्।
तस्बिरहरु:
भर्खरै
लोकप्रिय
