काठमाडौं- न्याय परिषदले बिहीबार उच्च अदालतका चार मुख्य न्यायाधीश सिफारिस गरेको छ।

परिषद बैठकले बिहीबार सर्वोच्च अदालतका मुख्य रजिष्टार नहकुल सुवेदीलाई उच्च अदालत तुलसीपुरको मुख्य न्यायाधीश सिफारिस गरेको छ।

त्यस्तै,  जनकपुर उच्च अदालतको मुख्य न्यायाधीशमा उदयप्रसाद चापागाईँ, सुर्खेतमा हरिप्रसाद पोखरेल र दिपायलको मुख्य न्यायाधीशमा यज्ञ बस्याललाई सिफारिस गरेको छ।

बिहीबार नै बसेको न्याय सेवा आयोगको बैठकले सर्वोच्चको रजिष्टारमा महेन्द्र उपाध्याय र आयोगको सचिवमा चिरञ्जिवी खनाललाई बढुवा गर्न सिफारिस गरेको छ।

न्याय परिषदको यस निर्णयमा सर्वोच्च अदालतका वरिष्ठ न्यायाधीश दीपकराज जोशीले असन्तुष्टि जनाउँदै ‘नोट अफ डिसेन्ट’ लेखेका छन्।

यो पनि हेर्नुहोस्:

न्यायालय कसैलाई जागिर खुवाउने ठाउँ होइन: प्रधानन्यायाधीश